جدہ: پاکستان میں 8 فروری کو ہونے والے آئندہ عام انتخابات میں سیاسی و مذہبی جماعتوں کے گڈ جوڑ سے سیاسی خلا پُر ہو سکتا ہے اور یہ جماعتیں بہتر کارکردگی دکھا سکتی ہیں ۔عرب نیوز میں شائع تجزیہ کے مطابق مذہبی سیاسی جماعتوں کے ووٹ بینک میں پی ٹی آئی کے خلاف کریک ڈاو¿ن کے تناظر میں اس الیکشن میں اضافے متوقع ہے، مذہبی سیاسی جماعتوں کے کے ماہر کے مطابق یہ ابھی تک دیکھا جانا باقی ہے کہ آیا ان کے ووٹوں میں اضافے سے کیا انہیں نشستوں میں بھی ملیں گی ۔مذہبی جماعتوں نے تاریخی طور پر انتخابی سیاست میں نشستوں کی تعداد کے لحاظ سے کبھی بھی اچھی کارکردگی کا مظاہرہ نہیں کیا ، لیکن حکومتوں کی تشکیل میں اہم کردار ادا کیا ہے۔آنے والے انتخابات کے لئے مولانا فضل الرحمان کی جے یو آئی اور سراج الحق کی قیادت والی جے آئی مذہبی ووٹ بینک پر قبضہ کرنے کے لئے مہم چلا رہی ہیں حالانکہ وہ مذہبی جماعتوں کا اتحاد تشکیل دیئے بغیر ، مختلف علاقوں میں نشستوں کی ایڈجسٹمنٹ کے لئے دوسری سیاسی جماعتوں کے ساتھ بات چیت کر رہے ہیں۔اسی طرح جے یو آئی کے پی اور بلوچستان میں اچھی کارکردگی کا مظاہرہ کرسکتی ہے ۔ ایک اور مذہبی جماعت تحریک لبیک پاکستان (ٹی ایل پی) نے 2018 کے انتخابات میں 5 فیصد ووٹ حاصل کیے تھے، لیکن وہ کراچی سے صرف دو صوبائی اسمبلی کی نشستیں حاصل کر سکی۔ ٹی ایل پی کے ووٹ بینک میں اس الیکشن میں مزید اضافہ ہوسکتا ہے۔ ٹی ایل پی کے ووٹ بینک میں متوقع سیاسی خلا کی وجہ سے اس انتخاب میں تھوڑا سا اضافہ ہوسکتا ہے ، لیکن ان سے توقع نہیں کی جاتی ہے کہ وہ دیگر بڑی جماعتوں کو کوئی دھچکا دیں۔
