![طاہر انجم پر تشدد کا ڈراپ سین، ذاتی مفاد کیلئے دونوں نے ڈرامہ رچایا](https://dailyakhbarehaq.com/wp-content/uploads/2024/07/نیلی-اور-طاہر-انجم1.jpg)
لاہور: پنجاب اسمبلی کے سامنے ن لیگ کلچرل ونگ کے صدر طاہر انجم پر تشدد کا ڈراپ سین ہوگیا۔
پی ٹی آئی کارکن انیلہ ریاض اور لیگی کارکن طاہر انجم نے ذاتی مفاد کے لیے ڈرامہ رچایا، پولیس کے مطابق دوران تفتیش انیلا ریاض اور طاہر انجم کے موبائل فون پر رابطے ثابت ہوگئے۔
پولیس ذرائع نے بتایا کہ کلوزسرکٹ فوٹیجز میں انیلا ریاض کو طاہر انجم کے گھر آتا دیکھا گیا، دونوں نے وقوعہ سے پہلے مل کر منصوبہ بنایا، انیلا ریاض طاہر انجم کے گھر سے رکشہ پر بیٹھ کر پنجاب اسمبلی آئی۔
ذرائع کے مطابق انیلا ریاض اور طاہر انجم کے موبائل رابطوں اور کلوزسرکٹ فوٹیج کا ریکارڈ پولیس کے پاس موجود ہے، انیلا ریاض پی ٹی آئی کی مخصوص نشست کی خواہش مند تھی۔
پولیس ذرائع کے مطابق طاہر انجم مسلم لیگ ن میں اپنا گراف بہتر بنانا چاہتے تھے، طاہر انجم نے مقدمہ درج ہونے سے پہلے انیلا ریاض کو معاف کرنے کا بیان بھی لکھ کر دیا۔