لاہور: ایچ بی ایل پی ایس ایل سیزن نائن کا آغاز رنگا رنگ افتتاحی تقریب سے ہوگیا۔قذافی اسٹیڈیم لاہور میں ایچ بی ایل پی ایس ایل سیزن 9 کی افتتاحی تقریب کے لیے بہترین اور فول پروف انتظامات کیے گئے تھے۔
گلوکار علی ظفر، آئمہ بیگ، نتاشا بیگ اور عارف لوہار سمیت دیگر فنکاروں نے اپنے فن کا مظاہرہ کیا جسے حاضرین نے خوب سراہا۔
تقریب کے اختتام پر شاندار آتش بازی سے آسمان روشن ہو گیا جبکہ تقریب کے دوران لیزر شو بھی کیا گیا۔
پاکستان سپر لیگ کا پہلا میچ آج دفاعی چیمپئن لاہور قلندرز اور اسلام آباد یونائیٹڈ کے درمیان رات 8 بجے شروع ہوگا۔اس 34 میچوں پر مشتمل ٹی ٹوئنٹی ٹورنامنٹ کا فائنل 18 مارچ کو نیشنل اسٹیڈیم کراچی میں کھیلا جائے گا۔پاکستان سپر لیگ کے میچز کراچی، لاہور، ملتان اور راولپنڈی میں ہوں گے۔
