پشاور ہائی کورٹ کا پی ٹی آئی سے متعلق فیصلہ بظاہر حدود سے تجاوز ہے’ جہانگیرترین

سربراہ استحکام پاکستان پارٹی جہانگیر ترین نے تحریک انصاف کو بلے کا نشان واپس ملنے کے فیصلے پر تنقید کرتے ہوئے کہا کہ پشاور ہائی کورٹ کا فیصلہ بظاہر حدود سے تجاوز اور عوامی امنگوں کے برعکس ہے۔
اپنے بیان میں جہانگیر ترین نے کہا کہ تحریک انصاف کے حق میں پشاور ہائی کورٹ کا فیصلہ یکطرفہ ہے اور عجلت میں دیا گیا ہے۔
انہوں نے اپنے بیان میں تحریک انصاف کو بھی شدید تنقید کا نشانہ بنایا اور کہا کہ ملکی بنیادوں کوکھوکھلا کرنے والے رعایت کے مستحق نہیں ہوسکتے’ پی ٹی آئی نے ساڑھے3 سال ملکی معیشت سے کھلواڑ کیا۔
جہانگیر ترین نے سوال کیا کہ ماضی میں لاہور ہائی کورٹ پر اعتراض کرنے والے اب من پسند فیصلوں پر کیوں خاموش ہیں۔
انہوں نے سا بات پر زور دیا کہ انتخابی نشان دینا یا واپس لینا الیکشن کمیشن کا اختیار ہے۔ جبکہ انتخابی نشان کی بیساکھیوں سے لولی لنگڑی پارٹی کو دوبارہ کھڑا نہیں کیا جاسکتا۔