اسلام آباد (مانیٹرنگ ڈیسک)غزہ میں اسرائیلی ٹینکوں نے پناہ گزین اسکول پر حملہ کرکے خواتین اور بچوں سمیت مزید 18 فلسطینیوں کو شہید اور متعدد کو زخمی کردیا۔ غیر ملکی خبر رساں ایجنسی کے مطابق اسرائیلی ٹینکوں نےمشرقی غزہ کےعلاقے نصیرات میں اسکول کو نشانہ بنایا جہاں پناہ گزین قیام پذیرہیں۔ اسرائیل نے غزہ میں کئی مکانات کو بم لگا کر اڑا دیا، حماس کے حملوں میں کئی اسرائیلی فوجی ہلاک اسرائیل کی شیلنگ کے نتیجے میں 18 فلسطینی شہید اور متعددزخمی ہوگئے۔ اس سے قبل اسرائیلی فوج کی جانب سے غزہ کے جبالیا کیمپ میں کئی مکانات کو بم لگا کر اڑا دیا گیا تھا صیہونی فورسز نے ایک ہفتے میں 200 سے زیادہ فلسطینیوں کو شہید کر دیا ہے جبکہ ہزاروں فلسطینی محصور ہو کر رہ گئے ہیں۔ واضح رہے کہ غزہ میں ہونے والے اسرائیلی فوج کے مظالم پر دنیا بھر میں احتجاج کا سلسلہ جاری ہے۔ برطانیہ میں فلسطینیوں کے حق میں مظاہرہ کیا گیا جبکہ گلاسگو اور آئرلینڈ میں مظاہرین نے اسرائیل کے لیے فنڈنگ اور ہتھیاروں کی فراہمی روکنے کا مطالبہ بھی کیا۔ 7 اکتوبر 2023 سے غزہ اور دیگر مقبوضہ فلسطینی علاقوں میں جاری اسرائیلی بمباری اور زمینی کارروائیوں میں اب تک 43 ہزار سے زائد افراد شہید اور ایک لاکھ سے زائد زخمی ہو چکے ہیں۔
