انٹرٹینمنٹ

دھرمیندر کا ویڈیو پیغام؛ پاکستانی اداکار کے نام

دھرمیندر نے پاکستانی اداکار احسن خان کے لیے نیک تمنائوں سے بھرا ویڈیو پیغام بھیجا
ممبئی:بھارت کے معروف اداکار دھرمیندر نے پاکستان کے ایک اداکار اور ہوسٹ کے لیے نیک تمنائوں پر مشتمل محبت بھرا ویڈیو پیغام جاری کیا ہے جو دیکھتے ہی دیکھتے سوشل میڈیا پر وائرل ہوگیا۔فلم شعلے کے ”ویرو” لیجنڈری اداکار دھرمیندر نے پاکستانی اداکار اور میزبان احسن خان کے نام ایک ویڈیو پیغام بھیجا ہے جس میں بھارتی اسٹار نے احسن خان اور ان کے اہل خانہ کے لیے نیک تمنائوں کا اظہار کیا ہے۔1960 میں فلمی کیریئر کا آغاز کرنے سے آج تک اپنی اداکاری کے جوہر دکھانے والے دھرمیندر نے ویڈیو پیغام میں کہا کہ آپ سب میرے اپنے ہیں۔ کبھی غیر نہیں سمجھا، آرٹسٹ تو ہوتے ہی جذباتی ہیں۔بھارت کے تقریباً تمام ہی صدارتی ایوارڈ حاصل کرنے والے دھرمیندر دیول نے احسن خان کومخاطب کرتے ہوئے کہا کہ میں دعا کرتا ہوں کہ تمھاری مقبولیت اور بڑھے۔ میری طرف سے آپ کے اور آپ کے اہل خانہ کے لیے بہت پیار اور ڈھیروں دعائیں۔اداکار احسن خان نے دھرمیندر کے اس پیغام کو اپنے انسٹاگرام اکائونٹ پر شیئر کیا۔احسن خان نے ویڈیو کے کیپشن میں لکھا کہ دھرمیندر جی آپ بہت شفیق ہیں، ان محبتوں کا شکریہ۔ فلم شعلے میں آپ نے ویرو کا کردار نبھایا تھا جو ہمیشہ سے میرے پسندیدہ کردار ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button