وفاقی تحقیقاتی ایجنسی (ایف ائی اے) نے اداکارہ نادیہ حسین کے شوہر عاطف محمد خان کو نجی بینک میں ایک ارب سے زائد کے خود برد کے الزام میں گرفتار کر لیا۔ایف آئی اے حکام کے مطابق کارپوریٹ کرائم سرکل کراچی میں ایف آئی آر نمبر 9/25 درج کی گئی ہے۔مقدمہ کے مطابق ملزم کے خلاف نجی بینک کے گروپ ہیڈ عاصم جاوید کی شکایت پر فوجداری انکوائری شروع کی گئی تھی اور تحقیقات کے دوران لگ بھگ ایک ارب سے روپے سے زائد کا غبن سامنے آیا۔مقدمہ کے مطابق بینک کے سی ایف او فیصل محمود شیخ اور امتیاز احمد نے ملزم کیلئے سہولت کاری کی اور ملزم نے قواعد کی مجرمانہ خلاف ورزی اور اختیارات کا غلط استعمال کیا۔ملزم نے دھوکہ دہی اور کھاتوں میں کانٹ چھانٹ کی اور کمپنی کے فنڈز کو قواعد کے خلاف استعمال کیا، لیجرز میں ہیرا پھیری کی، مالیاتی اکاؤنٹس کو غلط طریقے سے بنایا اور رپورٹس میں جعل سازی کی۔عاطف محمد خان نجی بینک کے سکیورٹیز پرائیویٹ لمیٹڈ کے سابق سی ای او تھے۔ خیال رہے کہ نادیہ حسن اور عاطف خان کی شادی 2003 میں ہوئی اور ان کے چار بچے ہیں۔
