![چین کے صوبے جیانگ شی میں آگ لگنے سے 39 افراد ہلاک ہو گئے](https://dailyakhbarehaq.com/wp-content/uploads/2024/01/china2.jpg)
بیجنگ: چین کے جنوبی صوبے جیانگ شی کے شہر شانیو سٹی کی مارکیٹ میں آگ لگنے سے 39 افراد ہلاک اور 9 زخمی ہوگئے جب کہ متعدد افراد پھنس گئے۔
غیر ملکی خبر رساں ایجنسی رائٹرز کی رپورٹ کے مطابق چین کے سرکاری میڈیا اور مقامی حکومت نے بتایا کہ شینیو سٹی میں ایک گلی کی دکان میں آگ بھڑک اٹھی اور جانی نقصان ہوا۔
چینی میڈیا نے مقامی فائر ریسپانس ایمرجنسی ہیڈ کوارٹرز کے حوالے سے بتایا کہ ضلع یوشوئی میں تیانگونن ایونیو پر ایک زیر زمین دکان میں دوپہر کے وقت آگ بھڑک اٹھی اور زخمیوں کو مقامی ہسپتال منتقل کر دیا گیا۔
تہہ خانے میں انٹرنیٹ کیفے اور عمارت میں ٹریننگ انسٹی ٹیوٹ تھا اور اسی دوران آگ بھڑک اٹھی۔
واضح رہے کہ ملک میں آتشزدگی کے بدترین واقعات کے بعد چینی صدر شی جن پنگ نے حکام کو ان واقعات سے نمٹنے کے لیے سخت اقدامات کرنے اور لوگوں کے تحفظ کو یقینی بنانے کی ہدایت کی تھی۔
چین میں گزشتہ سال اور حال ہی میں آتشزدگی کے متعدد واقعات پیش آئے ہیں، جن میں صوبہ ہینان میں ایک اسکول میں آگ لگنے سے 13 بچے ہلاک اور عملے کے سات ارکان کو گرفتار کیا گیا تھا۔