اسلام آباد: وفاقی حکومت کے ون ونڈو پاور سیکٹر ادارے پرائیویٹ پاور اینڈ انفراسٹرکچر بورڈ (پی پی آئی بی) کی جانب سے دی گئی ڈیڈ لائن میں توسیع اور ترغیبات میں متعدد نظرثانیوں کے باوجود مظفر گڑھ میں 600 میگاواٹ کے شمسی توانائی کے منصوبے کے قیام کے لئے کوئی بولی موصول نہیں ہوئی۔
یہ بین الاقوامی مسابقتی بولی (آئی سی بی) کے ذریعے قابل تجدید توانائی کے حصول کے لئے پہلا پائلٹ پروجیکٹ تھا جو طویل مدتی اشارے کی پیداوار کی صلاحیت میں توسیع کے منصوبے (آئی جی سی ای پی) کے مطابق تھا۔ فاسٹ ٹریک سولر پی وی اقدامات 2022 کے لئے پہلے سے منظور شدہ فریم ورک گائیڈ لائنز کے تحت 2022 کے آخر سے بولی کے متعدد دور منعقد کیے گئے اور ترغیبات میں نظر ثانی کی گئی۔
پی پی آئی بی کے ایک عہدیدار نے تصدیق کی ہے کہ بولی میں آخری بار دسمبر میں توسیع کی گئی لیکن کسی بھی سرمایہ کار نے 11 جنوری کی آخری تاریخ تک کوئی پیشکش نہیں کی تھی۔
