ڈھاکہ: بنگلہ دیش کے دارالحکومت میں مسافر بردار ٹرین کی ایک بوگی میں لگنے والی آگ میں بری طرح جھلس کر4 افراد ہلاک اور متعدد ز خمی ہوگئے۔ عالمی خبررساں ادارے کے مطابق بنگلہ دیش کے شمالی ضلع نیتروکونا سے دارالحکومت ڈھاکہ جانے والی مسافر بردار ٹرین میں اچانک آگ بھڑک اٹھی جس میں ماں اور4 سالہ بیٹے سمیت4 افراد ہلاک ہوگئے۔ آگ سے5 زائد مسافر زخمی بھی ہوئے جب کہ دھواں بھرنے کے باعث4 کی حالت نازک ہوگئی۔ جنہیں ہسپتال منتقل کر دیا گیا۔
