انٹرٹینمنٹپاکستانتازہ ترین

بابا صدیقی کے بعد ایک اور مشہور کامیڈین بشنوئی گینگ کے نشانے پر، حملہ بھی ناکام

اسلام آباد(شوبز ڈیسک)بھارت کے مشہور کامیڈین اور بگ باس 17 کے فاتح منور فاروقی گینگسٹر لارنس بشنوئی کے ہت لسٹ میں آگئے۔ بھارتی میڈیا کے مطابق بشنوئی گینگ نے این سی پی کے ایم ایل اے بابا صدیقی کے ساتھ منور فاروقی کو بھی نشانہ بنانے کی کوشش کی۔ بھارتی میڈیا رپورٹس کے مطابق منور فاروقی پر حملہ ستمبر میں ہو نا تھا جب منور فاروقی کو ایک ایونٹ کے لئے دہلی جانا تھا، لیکن بروقت معلومات ملنے پر سازش ناکام بنا دی گئی۔ رپورٹ کے مطابق بشنوئی گینگ کے دو افراد نے منور فاروقی کا پیچھا کرتے ہوئے ان کے ساتھ ایک ہی فلائٹ بک کی اور ان کے ہوٹل میں بھی کمروں کا انتظام کیا تاکہ ان پر حملہ کیا جا سکے۔ خوش قسمتی سے انٹیلی جنس ایجنسیوں کو بروقت اطلاع ملی اور منور کی حفاظت کو مزید سخت کردیا گیا۔ کامیڈین کو فوری طور پر دہلی سے ممبئی واپس منتقل کر دیا گیا۔ بابا صدیقی کے قتل کے بعد لارنس بشنوئی کی مبینہ پاکستانی گینگسٹر کو ویڈیو کال وائرل حملے کی ناکامی کے باوجود منور فاروقی کی زندگی کو خطرہ بدستور قائم ہے۔ بابا صدیقی کے قتل کے بعد ممبئی پولیس نے منور فاروقی کی سکیورٹی میں مزید اضافہ کر دیا ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button