پاکستانی ماڈل و میزبان متھیرا نے انکشاف کیا ہے کہ انہوں نے بالی وڈ اداکار سلمان خان کو سامنے دیکھ کر بھی ان کے ساتھ تصویر نہیں لی۔
حال ہی میں دیے گئے ایک انٹرویو میں متھیرا نے بتایا میری عادت ہے کہ میں ائیرپورٹ پر کبھی کسی بھی سلیبرٹی سے جاکر خود نہیں ملتی کیوں کہ میرا خیال ہے کہ وہ میرا ذاتی ٹائم ہے۔
اسی دوران متھیرا نے بتایا کہ میں سلمان خان کی بہت بڑی فین ہوں، جب میں ممبئی میں تھی تو میں نے اپنے سارے دوستوں کو کہا ہوا تھا کہ وہ لوگ جب بھی سلمان خان کو کہیں بھی دیکھیں مجھے کال کریں، میں وہاں آجاؤں گی پھر چاہے جو بھی وقت ہو۔
انہوں نے کہا کہ ایک بار میں نے سلمان خان کو دیکھ لیا، میرے دوست نے کہا جاؤ تصویر لو لیکن میں نے نہیں لی، میرے دوست نے کہا کہ کیا سلمان خان خود آئے گا تمہارے ساتھ تصویر لینے؟ میں نے سوچا تھا کہ اس وقت سلمان خان دوستوں کے ساتھ ہیں اب میں انہیں تصویر کا کہوں تو کتنا عجیب لگے گا۔
ایک سوال کے جواب میں متھیرا نے بتایا کہ میں خود سے محبت کرتی ہوں، مجھے لگتا ہے اگر میں تھوڑی موٹی ہوں تب بھی خوبصورت ہوں اور اگر میں پتلی ہوں تو میں تب بھی خوبصورت ہوں۔
دوران انٹرویو متھیرا نے نوجوان لڑکیوں کو دیے گئے پیغام میں کہا کہ میرا وزن 92کلو تھا جو کہ اب 72 کلو گرام ہے،میں لڑکیوں کو بتانا چاہتی ہوں کہ اگر وہ اپنی زندگی کو منظم کرلیں تو زیادہ سے زیادہ بڑھا ہواوزن بھی کم ہوسکتا ہے لیکن اس کیلئے کیٹو ڈائٹ، فاقے یا انجیکشن ضروری نہیں، اس کیلئے ورک آؤٹ ضروری ہے۔
متھیرا نے اپنے متعلق بتایا کہ میں تین بیٹوں کی ماں بھی ہوں اس لیے مجھے دبلا ہونے کیلئے کچھ سرجریز بھی کروانا پڑیں لیکن پھر بھی یہی کہوں گی دبلا ہونے کیلئے انجیکشن ضروری نہیں۔
