پشین: پشین میں سیکیورٹی فورسز کی کارروائی میں 2 دہشت گرد ہلاک اور متعدد زخمی ہوگئے۔ میڈیا کے مطابق بلوچستان کے علاقے پشین میں سیکیورٹی فورسز نے خفیہ اطلاع پر سانزلہ پہاڑ میں آپریشن کیا۔ آپریشن کے دوران دو دہشت گرد ہلاک اور متعدد زخمی ہو گئے۔ ڈپٹی کمشنر جمعہ داد مندوخیل کوئٹہ کے مطابق ہلاک اور زخمی دہشت گرد رسالدار لیویز حمید اللہ کی شہادت میں ملوث تھے، لوگ سانزلہ پہاڑ پر جانے سے گریز کریں۔
