![بین اسٹوکس ٹی ٹوئنٹی ورلڈکپ نہیں کھیلیں گے: انگلش بورڈ کی تصدیق](https://dailyakhbarehaq.com/wp-content/uploads/2024/04/بین-اسٹوکس2.jpg)
انگلینڈ اینڈ ویلز کرکٹ بورڈ (ای سی بی) نے کرکٹر بین اسٹوکس کے ٹی ٹوئنٹی ورلڈ کپ نہ کھیلنے کی تصدیق کردی۔انگلش بورڈ کے مطابق بین اسٹوکس نے ورلڈ کپ کی سلیکشن میں دلچسپی نہ رکھنے کی تصدیق کی اور کہاکہ ان کا اولین فوکس بولنگ کے لیے مکمل فٹ ہونا ہے۔
ای سی بی کا کہنا ہے کہ بین اسٹوکس نہ صرف سری لنکا اور ویسٹ انڈیز کے خلاف ٹیسٹ سیریز بلکہ مستقبل کے لیے فٹ ہونے کے خواہاں ہیں۔اس حوالے سے انگلش کرکٹر بین اسٹوکس نے کہا ہے کہ میں بولنگ فٹنس کے لیے بڑی محنت کر رہا ہوں ،میں تمام فارمیٹ میں آل رانڈر کی حیثیت سے کھیلنا چاہتا ہوں ۔
ان کا کہناتھا کہا کہ آئی پی ایل اور ورلڈ کپ کی قربانی دینے سے مجھے مستقبل میں آل رانڈر کی حیثیت سے کھیلنے میں مدد ملے گی، میری کپتان، کوچ اور تمام ٹیم کے لیے نیک خواہشات ہیں۔