![پی ایس ایل 9:آج کھیلے جانے والے دونوں میچ بارش کے باعث منسوخ کر دیے گئے ہیں](https://dailyakhbarehaq.com/wp-content/uploads/2024/03/psl.jpg)
پی ایس ایل 9:آج کھیلے جانے والے دونوں میچ بارش کے باعث منسوخ کر دیے گئے ہیں
راولپنڈی: پاکستان سپر لیگ سیزن 9 کے آج پنڈی کرکٹ اسٹیڈیم میں ہونے والے دونوں میچز بارش کی نذر ہوگئے۔پہلے روز شیڈول کے مطابق بارش کے باعث دونوں میچز نہیں کھیلے جا سکے۔ گزشتہ روز پنڈی کرکٹ سٹیڈیم میں پشاور زلمی اور لاہور قلندرز کے درمیان پہلا میچ دو بجے شیڈول تھا تاہم کھیل بالکل نہیں ہو سکا۔
آدھے گھنٹے کی تاخیر کے بعد امپائرز نے پچ کا معائنہ بھی کیا اور دونوں ٹیموں کے کھلاڑی وارم اپ کے لیے میدان میں آئے لیکن پھر اچانک موسلا دھار بارش شروع ہوگئی اور کھیل کا انعقاد ناممکن ہوگیا۔
دوسرا میچ میزبان اسلام آباد یونائیٹڈ اور کوئٹہ گلیڈی ایٹرز کے درمیان شام 7 بجے کھیلا جانا تھا لیکن بارش کے باعث اسے بھی منسوخ کر دیا گیا، اس طرح چاروں ٹیموں کو ایک ایک پوائنٹ ملا، پوائنٹس ٹیبل پر دفاعی چیمپئن لاہور قلندرز کا بھی ایک پوائنٹ کے ساتھ کھاتہ کھل گیا ۔