![تعلیمی اور فلاحی شعبے میں ریڈ فائونڈیشن کی خدمات کو سراہا، صدر مملکت ڈاکٹر عارف علوی](https://dailyakhbarehaq.com/wp-content/uploads/2024/02/President-Dr.-Arif-Alvi.png)
اسلام آباد۔صدر مملکت ڈاکٹر عارف علوی نے ملکی و معاشرتی ترقی کیلئے بچیوں کی تعلیم پر بھی توجہ دینے کی ضرورت پر زور دیتے ہوئے کہا ہے۔
پاکستان میں 2 کروڑ 60 لاکھ سے زائد بچے سکولوں سے باہر ہیں، پاکستان کے تمام بچوں کو تعلیم کی فراہمی کیلئے نجی اور سرکاری شعبے میں تعاون نا گزیر ہے ۔
محمد شفیق خان کی قیادت میں ریڈ فائونڈیشن کے وفد سے ملاقات کے دوران اظہار خیال کر رہے تھے۔
وفد نے صدر مملکت کو تعلیمی و فلاحی شعبے میں ریڈ فائونڈیشن کی خدمات کے بارے میں بتایا کہ ریڈ فائونڈیشن ملک بھر میں 400 سے زائد سکول اور کالجز چلا رہی ہے
فائونڈیشن معاشرے میں معیاری ، قابل قدر اور بامقصد تعلیم کے فروغ کیلئے کام کر رہی ہے۔
فائونڈیشن کا مقصد معیاری ، کم قیمت اور مفت تعلیم تک رسائی بڑھاناہے۔
ریڈ فائونڈیشن یتیم بچوں کی تعلیم و تربیت کیلئے بھی اقدامات کر رہی ہے ۔
صدر مملکت ڈاکٹر عارف علوی نے کہا کہ ملکی انسانی وسائل کی ترقی میں تعلیمی اداروں کا کلیدی کردار ہے ۔
یتیم بچوں کی تعلیم اور خودمختاری جامع معاشرے کی تشکیل کیلئے ضروری ہے۔
صدر مملکت نے تعلیمی اور فلاحی شعبے میں ریڈ فائونڈیشن کی خدمات کو سراہا۔