اسلام آباد:ملک بھر میں ووٹنگ کا وقت شروع ہونے کے ساتھ ہی زیادہ تر معمر اور خواتین ووٹرز پولنگ سٹیشنوں پر اپنا حق رائے دہی استعمال کرنے کے حوالے سے زیادہ پرجوش نظر آ رہی ہیں ، الیکشن میں فعال طور پر حصہ لیتے ہوئے معذور اور بزرگ شہریوں نے ووٹنگ میں حصہ لے رہے ہیں ۔ ایک 70 سالہ خاتون نے پی ٹی وی نیوز چینل سے گفتگو کرتے ہوئے کہا کہ "میں اپنا ووٹ ڈالنے اور مستقبل کی حکومت کے قیام کے لیے انتخابی عمل کا حصہ بننے کے لیے 8 فروری کے عام انتخابات کے دن کا بے صبری سے انتظار کر رہی تھیں۔پولنگ کی صبح پولنگ سٹیشنز پر زیادہ تر ادھیڑ عمر اور معمر افراد نظر آ رہے ہیں ۔ رپورٹ کے مطابق پنجاب سٹی کے پولنگ سٹیشن کے ایک ایجنٹ نے بتایا کہ بزرگ ووٹرز میں سے زیادہ تر کو ان کے بچوں ، رشتہ داروں اور عزیزوں کو و ووٹنگ مراکز تک لے جا رہے ہیں۔انہوں نے کہا کہ صبح سے بزرگ ووٹروں کی زیادہ سرگرمی دیکھی جا رہی ہے۔ایک 50 سالہ شخص نے کہا کہ وہ عمر اور صحت کے مسائل کے باوجود میں ذاتی طور پر اپنے ووٹ کا حق استعمال کرنے کے لیے پرعزم ہیں۔سندھ میں پولنگ سٹیشن کے باہر کھڑی ایک اور بوڑھی خاتون نے کہا کہ میں پولنگ سٹیشن جا کر ووٹ ڈالنا چاہتی ہوں۔راولپنڈی پولنگ سٹیشن کی طرف جاتی ایک ٹیچر نے کہا کہ عمر کوئی ایسا معاملہ نہیں جو کسی کو پولنگ سینٹر جانے سے روکے۔ میری والدہ نے اپنا ووٹ کاسٹ کیا ہے ۔انہوں نے کہا کہ آپ بھی اپنا ووٹ ڈالیں۔ایک شہری نے بتایا کہ ایک 80 سالہ سکینہ بی بی بھی لاہور میں اپنا ووٹ ڈالنے آئی تھیں۔ایک شخص جو اپنے والد کو پولنگ سٹیشن لے کر جا رہا تھا۔انہوں نے کہا کہ میرے والد نے ناشتہ کرنے سے انکار کر دیا اور اصرار کیا کہ میں پہلے ووٹ کا حق استعمال کرنے کے لیے انہیں پولنگ سٹیشن لے جایا جائے۔ اسلام آباد میں ایک خواتین ووٹر نے کہا کہ ہر فرد کو ووٹ دینا چاہیے کیونکہ یہ ہمارا بنیادی حق ہے۔ ووٹ ڈال کر میں اپنے آپ پر فخر محسوس کرتی ہوں۔
