اسلام آباد: وزارت قانون نے مظاہر نقوی کی برطرفی کا نوٹیفکیشن جاری کرتے ہوئے ان کے بطور جج استعفی کا نوٹیفکیشن واپس لے لیا۔
جاری کردہ نوٹیفکیشن کے مطابق سپریم جوڈیشل کونسل نے مظاہرنقوی کو عدالتی بددیانتی کا مرتکب قرار دیا جس کے بعد مظاہر نقوی کے بطور جج استعفی کا نوٹیفکیشن واپس لے لیا گیا ہے اور اب نوٹیفکیشن جاری کیا گیا ہے کہ مظاہرنقوی کو عہدے سے برطرف کیا گیا۔ سپریم جوڈیشل کونسل کی رائے مظاہر نقوی کی برطرفی کا نوٹیفکیشن تمام متعلقہ اداروں اور وزارتوں کو ارسال کر دیا گیا، مظاہر نقوی کی برطرفی کا اطلاق 10 جنوری 2024 سے ہو گا۔
