واشنگٹن: امریکا نے ترکی کو ایف 16 لڑاکا طیاروں کی فروخت کی منظوری دے دی۔
غیر ملکی میڈیا کے مطابق امریکی حکومت نے ترکی کو 23 ارب ڈالر مالیت کے 40 ایف 16 لڑاکا طیاروں کی فروخت کے طویل عرصے سے تاخیر کا شکار ہونے والے معاہدے کی منظوری دے دی ہے۔ 79 جدید کٹس بھی شامل ہیں۔
اس کے علاوہ، امریکی محکمہ خارجہ نے کہا کہ کانگریس نے یونان کو 35 F-16 لڑاکا طیاروں کی فروخت کی بھی منظوری دی ہے، جن کی مالیت 8.6 بلین ڈالر ہے۔
میڈیا رپورٹس نے اشارہ کیا کہ ترکی کی جانب سے نیٹو میں سویڈن کے الحاق کی منظوری کے باوجود طیاروں کی ڈیل نہ ہونے سے اتحادیوں کے درمیان تعلقات کو کشیدہ ہو رہے تھے ۔
رپورٹس کے مطابق ترکی نے سب سے پہلے F-16 طیاروں کے لیے 2021 میں درخواست دی تھی لیکن سویڈن کی جانب سے نیٹو کی رکنیت کی منظوری کے بعد یہ معاہدہ موخر ہو گیا تھا۔ ترکی نے سوئیڈن سے متعلق تحفظات ظاہر کئے تھے کہ سوئیڈش حکومت کردش علیحدگی پسندوں کی حمایت کرتی ہے۔
تاہم ترک پارلیمنٹیرینز نے رواں ہفتے سویڈن کے نیٹو میں شمولیت کی منظوری دی تھی جس کے بعد صدر طیب اردگان نے اس پر دستخط کر دیے تھے۔
ترکی کے اس فیصلے کے بعد امریکی صدر جو بائیڈن نے ترکی پر زور دیا کہ وہ بغیر کسی تاخیر کے F-16 طیاروں کی فروخت کی فوری منظوری دے۔
