سعودی حکومت نے سرکاری میڈیا میں شائع ہونے والی اطلاعات کی تصدیق کی کہ وہ سفارتی سامان کے اندر شراب کی درآمد پر نئی پابندیاں عائد کررہی ہے۔
مملکت کے سینٹر آف انٹرنیشنل کمیونیکیشن (سی آئی سی) نے کہا کہ یہ نئے ضابطے سفارتی مشنوں کے ذریعہ موصول ہونے والی شراب کی اشیاء اور مصنوعات کی غیر قانونی تجارت کے لئے متعارف کرائے جارہے ہیں۔
سی آئی سی نے ایک بیان میں کہا کہ ‘یہ نیا عمل جاری رہے گا اور اس بات کو یقینی بنائے گا کہ غیر مسلم سفارت خانوں کے تمام سفارت کاروں کو مخصوص کوٹوں میں ان مصنوعات تک رسائی حاصل ہو’۔
