![ایک ماہ فون استعمال نہ کرنے پر حیرت انگیز پیشکش](https://dailyakhbarehaq.com/wp-content/uploads/2024/01/fon.jpg)
غیر ملکی کمپنی نے ایک ماہ موبائل فون استعمال نہ کرنے پر انعام کی پیشکش کرکے تہلکہ مچادیا۔
رپورٹ کے مطابق آئس لینڈ کے ایک ڈیری پروڈکٹ برانڈ(سیجی) نے اپنے ڈیجیٹل ڈیٹوکس پروگرام کے تحت ایک ماہ موبائل فون استعمال نہ کرنے والے 10 خوش نصیب افراد کو 10 ہزار ڈالرانعام دینے کی پیشکش کی ہے۔
منتخب شرکا اپنے اسمارٹ فونز کو ایک فراہم کردہ باکس میں محفوظ طریقے سے اسٹور کریں گے اور ایک ماہ تک موبائل فون کے بغیر زندگی گزاریں گے۔ چیلنج کامیابی سے مکمل کرنے پر انہیں 10 ہزار ڈالر انعام دیا جائے گا۔
کمپنی نے اپنی ویب سائٹ پر ایک بیان میں کہا ہم آپ کو چیلنج کرتے ہیں کہ آپ اپنے اسمارٹ فون کو چھوڑ دیں۔ ہم کم خلفشار کے ساتھ سادہ زندگی گزارنے کی طاقت پر یقین رکھتے ہیں۔
کمپنی کا کہنا تھا کہ آج ہماری زندگی میں سب سے بڑا خلفشار ہمارا فون ہے، درحقیقت اوسطا ایک شخص ہر روز اپنے فون پر چار یا پانچ گھنٹے گزارتا ہے۔
ویب سائٹ کے مطابق پروگرام کے لیے درخواستیں 31 جنوری تک کھلی ہیں۔ اگر آپ اپنی ڈیجیٹل زندگی سے وقفہ لینے اور ممکنہ طور پر کافی انعام جیتنے کے لیے تیار ہیں تو اپنی درخواست جمع کرانے کے لیے Siggi کی ویب سائٹ ملاحظہ کریں۔