چیئرمین استحکام پاکستان پارٹی(آئی پی پی) جہانگیر ترین نے کہا ہے کہ انتخابات کے بعد ایسی حکومت قائم کی جائے جو 5 سال پورے کرے کیونکہ دو تین سال چلنے والی حکومتیں کام نہیں کرسکتیں۔
لودھراں میں کارکنوں سے خطاب کرتے ہوئے جہانگیر ترین نے کہا کہ 8 فروری کے بعد نئی حکومت بنے گی، ایسی حکومت بنائی جائے جو 5 سال پورے کرے
ان کا کہنا تھا کہ ‘ان شا اللہ عوام کے ووٹوں کی طاقت سے حکومت ہماری بنے گی، ہم وہ کام کریں گے جو لوگ یاد رکھیں گے، ہم اگلے 5 سالوں میں لودھراں اور پاکستان کو مثالی بنائیں گے، عوام نے موقع دیا تو ہم لودھراں اور ملک کا چہرہ بدل دیں گے۔
انہوں نے کہا کہ میںلودھراں میں پہلے سے 5 گنا زیادہ کام کروں گا، انشا اللہ میں اپنے لوگوں کو کبھی نہیں چھوڑوں گا، میں نے اپنے بیٹے کو بھی کہا ہے کہ ہمیشہ لودھراں کے عوام کی خدمت کرو، لودھراں نے میری عزت کی اور 40ہزار ووٹوں کے فرق سے جیتا۔
