![ایک سو نوے ملین پانڈز ریفرنس: پی ٹی آئی کی بانی بشری بی بی پر آج بھی فرد جرم عائد نہ ہو سکی](https://dailyakhbarehaq.com/wp-content/uploads/2024/01/imran-and-bushra-bibi22.jpg)
اسلام آباد: اسلام آباد کی احتساب عدالت میں پی ٹی آئی کے بانی اور ان کی اہلیہ بشری بی بی کے خلاف 190 ملین پانڈز ریفرنس میں فرد جرم آج بھی داخل نہ ہو سکی۔
اسلام آباد کی احتساب عدالت کے جج محمد بشیر نے بانی پی ٹی آئی اور بشری بی بی کے خلاف اڈیالہ جیل میں 190 ملین پانڈزریفرنس کی سماعت کی، ملزمان کی جانب سے لطیف کھوسہ، شہباز کھوسہ، عثمان گل، سلمان اکرم راجہ عدالت میں پیش ہوئے۔
نیب کی جانب سے امجد پرویز، ڈپٹی پراسیکیوٹر جنرل نیب سردار مظفر عباسی، عرفان بھولا پیش ہوئے۔
190 ملین پانڈز کے ریفرنس میں بانی پی ٹی آئی کی جانب سے وکلا کی تبدیلی کی درخواست دائر کی گئی۔ بانی پی ٹی آئی کی جانب سے وکلا کی نئی ٹیم میں بیرسٹر علی ظفر، سکندر ذوالقرنین اور عثمان گل شامل ہیں۔
بانی پی ٹی آئی نے عدالت میں بیان دیا کہ وکیل فرد جرم میں لکھی گئی قانونی شرائط کی وضاحت کرسکتا ہے، وکیل کی عدم موجودگی میں الزام قبول نہیں کرتے۔
پی ٹی آئی کے بانی کے نئے وکیل علی ظفر کی عدم موجودگی میں فرد جرم داخل نہ ہوسکی۔
عدالت نے 19 کروڑ پانڈز کے ریفرنس میں فرد جرم عائد کرنے کی کارروائی 24 جنوری تک ملتوی کردی۔