ہری پور(بیورورپورٹ)چیئرمین ہائر ایجوکیشن کمیشن پروفیسر ڈاکٹر مختار احمد نے یونیورسٹی آف ہری پور میں الغزالی سنٹرل الئبریری اور سائنس اینڈ ٹیکنالوجی پارک کا افتتاح کر دیا۔اس موقع پر پروفیسر ڈاکٹر شفیق الرحمان، رجسٹرار ریاض محمد، سیکشنل ہیڈز، چیئرپرسنز، ڈینز، فیکلٹی اور دیگر سٹاف بھی موجود تھا مہمان خصوصی نے نئے قائم ہونے والے اسلامک گارڈن کا دورہ کیا اور یادگاری پودا بھی لگایا گیا ۔ اپنے دورے کے دوران، پروفیسر ڈاکٹر مختار احمد نے باغبانی کی نمائش کا جائزہ لیا، جہاں پر بونسائی ، رنگولی ڈیزائن، لیموں اور کھانے کی نمائش، سبزیوں کے شوز، اور کھانے کے اسٹالز جیسے دلکش ڈسپلے پیش کیے گئے تھے۔ ایچ ای سی کے چیئرمین پروفیسر ڈاکٹر مختار احمد نے تقریب سے خطاب کرتے ہوئے کہا کہ یونیورسٹی آف ہری پور کی اپنے طلبا کے لیے جدید سہولیات فراہم کرنے کی لگن کا مشاہدہ کرنا خوشی کی بات ہے۔ الغزالی سنٹرل الئبریری اور ایس ٹی پی بہترین کارکردگی کے عزم کی عکاسی کرتے ہیں۔ مجھے یقین ہے کہ یہ منصوبے جدت پسندوں اور محققین کی اگلی نسل کی پرورش میں، ایک اہم کردار ادا کریں گے تقریب کے اختتام پر یونیورسٹی آف ہری پور کی جانب سے پروفیسر ڈاکٹر مختار احمد کو ایک سووینئر بھی پیش کیا گیا جو کہ ادارے اور ہائر ایجوکیشن کمیشن کے درمیان پائیدار تعاون کی علامت ہے
