آج بھی عدالتی فیصلوں کے اندرسیاست کی بوآتی ہے: جاوید لطیف

لاہور(نیوزڈ یسک)رہنما مسلم لیگ (ن) میاں جاوید لطیف نے کہا ہے کہ آج بھی عدالتی فیصلوں کے اندرسیاست کی بوآتی ہے۔ نجی ٹی وی کے پروگرام میں میاں جاوید لطیف کا کہنا تھا کہ ملک گرداب میں پھنسا ہوا ہے، سپریم کورٹ میں58 ہزارکیسزپینڈنگ پڑے ہیں، مخصوص نشستوں کا فیصلہ عدالت نے اس فریق کے حق میں فیصلہ دیا جوموجود ہی نہیں تھا۔ انہوں نے کہا کہ قانون کے مطابق آزاد امیدوارنے تین دن میں پارٹی کوجوائن کرنا ہوتا ہے، نوازشریف کیخلاف فیصلے غلط تھے،جنرل فیض اورثاقب نثارکے ایک پیج کی وجہ سے ملک برباد ہوا۔ میاں جاوید لطیف کا مزید کہنا تھا کہ بانی پی ٹی آئی کی آج بھی سہولت کاری ہورہی ہیں، آج بھی عدالتی فیصلوں کے اندرسیاست کی بوآتی ہے، سپریم کورٹ کا کام آئین کی تشریح کرنا ہے آئین بنانا نہیں، کسی کوگڈ ٹوسی یوکہا جاتا ہے۔