لاہور: پولیس کے لبرٹی خدمت مرکز میں رشوت لےکر لائسنس بنانے کا انکشاف ہوا ہے۔پولیس کے مطابق رشوت لےکر لائسنس بنانے کا انکشاف ہونے کے بعدسینئر ٹریفک وارڈن کی مدعیت میں وارڈنز اور ٹاؤٹ مافیا کے خلاف گلبرگ میں مقدمہ درج کرلیا گیا ہے۔مقدمے کے متن کے مطابق مخبر کو 10 ہزار روپے دےکر لائسنس بنوانے بھیجا گیا، ٹریفک سینٹر پر موجود ٹاؤٹ رقم لےکر وارڈنز کے پاس گئے جب کہ وارڈنز کی جانب سے کام ہوجانے کی گارنٹی پر مزید 15 ہزار کا تقاضہ کیا گیا ۔مقدمے کے انداراج کے بعد ٹریفک پولیس کے 3 وارڈنز سمیت8 افراد پر مشتمل گینگ کو گرفتار کرلیا گیا ہے۔ بعد ازاں پولیس نے ٹاوٹس کی نشاندہی پر3 ٹریفک وارڈنز کو بھی گرفتار کرلیا جن کی جیب سے رقم بھی برآمد کی گئی۔
