خیبرپختونخوا حکومت نے کلاؤڈ برسٹ اور موسمیاتی تبدیلی کی تحقیقات کرنےکا فیصلہ کیا ہے۔سرکاری ذرائع کے مطابق تحقیقاتی ٹیم صوبے میں حالیہ کلاؤڈ برسٹ پیدا ہونےکےحوالے سے تحقیقات کرےگی، تحقیقاتی ٹیم موسمیاتی تبدیلی کی وجوہات کا تعین بھی کرے گی۔ذرائع کے مطابق ٹیم وفاقی وزارت ماحولیات، سپارکو اور پاکستان فارسٹ انسٹیٹیوٹ کے ماہرین پر مشتمل ہوگی۔ذرائع کا کہنا ہے کہ ٹیم بونیر اور صوابی سمیت سیلاب زدہ علاقوں کا دیگرعلاقوں سے موسمیاتی موزانہ کرے گی، اور موسمیاتی تبدیلیوں کے اثرات سمیت 20 سالوں کے موسمی ریکارڈ کا جائرہ لےکر رپورٹ مرتب کرے گی۔ذرائع کا کہنا ہے کہ تحقیقاتی ٹیم سیلاب آنےکی وجوہات اور اس سے علاقوں کو محفوظ بنانے کے اقدامات کا تعین بھی کرےگی۔دوسری جانب سیکرٹری محکمہ جنگلات شاہد زمان نے جیو نیوز سے بات چیت کرتے ہوئے کہا کہ موسمیاتی تبدیلی اور سیلاب زدہ علاقوں میں سیلابی صورتحال کی وجوہات جاننے کے لیےکمیٹی قائم کریں گے۔شاہد زمان کا کہنا ہے کہ کےپی سمیت ملک بھر میں موسمیاتی تبدیلی کی بڑی وجہ ترقی یافتہ ممالک کی انڈسٹریز ہیں، گرین گیسز اور موسمیاتی تبدیلی کے اثرات سے محفوظ رہنےکیے لیے بڑے پیمانے پر شجرکاری کی ضرورت ہے۔
