پاکستان نے 3 ٹی20 میچز سیریز کے تیسرے اور آخری میچ میں بنگلا دیش کو 74 رنز سے شکست دیدی۔پاکستان کے 179 رنز کے ہدف کے تعاقب میں بنگلا دیش کی پوری ٹیم 104 رنز بنا کر آؤٹ ہوئی۔میر پور میں کھیلے گیے میچ میں میزبان بنگلا دیش نے پاکستان کے خلاف ٹاس جیت کر فیلڈنگ کافیصلہ کیا۔پاکستان نے پہلے کھیلتے ہوئے مقررہ 20 اوورز میں 7 وکٹ کے نقصان پر 178 رنز بنائے۔پاکستان کی جانب سے اوپنر صاحبزادہ فرحان نے سب سے زیادہ 63 رنز بنائے۔ حسن نواز نے 33، محمد نواز نے27 اور صائم ایوب نے 21 رنز بنائے۔ بنگلادیش کی جانب سے تسکین احمد نے 3 اور نسیم احمد نے 2 کھلاڑیوں کو آؤٹ کیا جبکہ بنگلا دیش کے محمد سیف الدین 35 رنز بنا کر نمایاں رہے۔یاد رہے کہ بنگلا دیش کی ٹیم میں 5 جبکہ قومی ٹیم میں 2 تبدیلیاں کی گئی تھیں۔ تیسرے میچ میں پاکستانی ٹیم میں صاحبزداہ فرحان اور حسین طلعت کو شامل کیا گیا تھا۔اس میچ سے قبل بنگلا دیش کو 3 ٹی ٹوئنٹی میچز کی سیریز میں0-2کی برتری حاصل تھی۔
