پاکستان نے تھائی لینڈ میں جاری ایشین انڈر 16 والی بال چیمپین شپ کے سیمی فائنل میں بھارت کو 3-0 سے شکت دے کر فائنل میں جگہ بنالی۔تھائی لینڈ کے شہر ناکھون ہاتھوں میں جاری چیمپئن شپ کے سیمی فائنل میں پاکستان نے بھارت کو مکمل آوٹ کلاس کیے رکھا اور مکمل طور پر میچ میں حاوی رہے، دوسرے سیٹ کے ابتدائی مراحل کے علاوہ بھارتی پلیئرز کو برتری نہ رکھنے دی۔پاکستان نے بھارت کے خلاف سیمی فائنل 25-16، 25-19 اور 25-12 سے جیتا اور فائنل میں جگہ بنائی جہاں اس کا مقابلہ کل ایران سے ہوگا۔ یاد رہے کہ پاکستان کراس اوور راؤنڈ میں ایران کو شکست دے چکا ہے ۔سیمی فائنل میں پاکستان ٹیم مکمل طور پر بھارت پر حاوی رہی، ٹیم نے اٹیک، بلاک اور سرو پوائنٹس میں بھارت پر سبقت رکھی۔پاکستان نے بھارت کے 25 کے مقابلے میں 37 اٹیک پوائنٹس حاصل کیے، بھارت 4 بلاک پوائنٹس لے سکا جبکہ پاکستان کے بلاک پوائنٹس 13 رہے، سروس پوائنٹس میں بھی پاکستان کو 5-4 کی برتری رہی۔پاکستان کی جانب سے محمد جنید، فیضان اللہ ، طلحہ مہر اور محمد عرفان نے نمایاں پرفارمنس کا مظاہرہ کیا، محمد جنید نے 11 اٹیک پوائنٹس سمیت 19 پوائنٹس حاصل کیے جبکہ فیضان نے 12 پوائنٹس بنائے، طلحہ مہر اور عرفان نے 7، 7 پوائنٹس بنائے۔
