راولپنڈی (نیوزڈیسک) جی ایچ کیو حملہ کیس میں انسداد دہشت گردی کی عدالت نے 25 ملزمان کے ناقابل ضمانت وارنٹ گرفتاری جاری کر دیئے۔ انسداد دہشت گردی عدالت نے سی پی او راولپنڈی کو ملزموں کو گرفتار کر کے 10 دسمبر کو عدالت میں پیش کرنے کا حکم دے دیا۔ وارنٹ گرفتاری انسداد دہشت گردی عدالت کے جج امجد علی شاہ نے جاری کئے، سی پی او راولپنڈی نے ملزموں کی گرفتاری کے لئے خصوصی ٹیمیں تشکیل دے دیں۔ وارنٹ گرفتاری جاری ہونے والوں میں میجر طاہر صادق، زین قریشی، کنول شوزب، عظیم اللہ خان، شبلی فراز شامل ہیں۔ علی امین گنڈاپور، شہریار آفریدی، زوہیب آفریدی، عمر تنویر بٹ اور دیگر کے وارنٹ بھی جاری ہوئے ہیں۔
