اسلام آباد: اسپیکر قومی اسمبلی ایاز صادق نے چیئرمین سینیٹ یوسف رضاگیلانی کو خط لکھ کر پارلیمانی کمیٹی برائیججز تقرری کے لیے4 سینیٹرز کے نام مانگ لیے۔سینیٹ سے نام موصول ہوتے ہی 12 رکنی پارلیمانی کمیٹی تشکیل دے دی جائیگی۔ پارلیمانی کمیٹی3 سینئر ججز میں سے کسی ایک کو چیف جسٹس نامزد کریگی۔ آئین کے آرٹیکل 175 کی نئی ترمیم کے تحت یہ نام مانگے گئے ہیں۔ چیئرمین سینیٹ نے بھی پارلیمانی لیڈرز سے نام مانگ لیے ہیں۔ 4 سینیٹرز میں سے 2 حکومت اور 2 اپوزیشن سے ہوں گے۔ دوسری جانب قومی اسمبلی سیکرٹریٹ نے 8 ایم این ایز کے نام بھی پارلیمانی لیڈرز سے مانگ لیے ہیں۔ سیکرٹری قومی اسمبلی کا پارلیمانی لیڈرز کو لکھا گیا خط سامنے آگیا ہے۔چیئرمین سینیٹ نے جے یو آئی، پی ٹی آئی، مسلم لیگ ن اور پیپلز پارٹی سے نام مانگ لیے ہیں۔
