اسلام آباد(نیوزڈیسک)وفاقی دارالحکومت میں تین دن سے بند ایکسپریس وے کو عام آمدورفت کے کے لیے کھول دیا گیا۔ سی ٹی او سرفراز ورک کا کہنا تھا کہ غیر ملکی مہمانوں کی آمد و رفت کے باعث ایکسپریس ہائی وے بند کیا گیا تھا، ایکسپریس وے کو اب دونوں اطراف کی ٹریفک کے لیے کھول دیا گیا ہے ۔ انہوں نے کہا کہ سری نگر ہائے وے پر بھی جزوی طور پر ٹریفک کیلئے کھول دی گئی جبکہ ملکی مہمانوں کی مکمل روانگی تک سرینگر ہائی وے پرمختلف اوقات میں ٹریفک روکی جائے گی۔ سرفراز ورک نے مزید کہا کہ شہری اس دوران سرینگر ہائی وے کی جانب غیر ضروری سفر سے اجتناب کریں، ریڈ زون میں متعلقہ افراد کو مارگلہ روڈ سے داخلہ دیا جائے گا۔
