اسلام آباد(نیوزڈیسک)پاکستان تحریک انصاف اسلام آباد کے ڈی چوک پر آج احتجاج کرنے جارہی ہے، وزیر اعلی خیبر پختونخوا علی امین گنڈا پور کی قیادت میں پی ٹی آئی کا قافلہ برہان انٹر چینج پہنچ گیا۔علی امین گنڈا پور گنڈا پور کا قافلہ جوں ہی برہان انٹر چینج پہنچا تو پنجاب پولیس کی جانب سے ان پر شیلنگ کی گئی۔علی امین گنڈا پور کے قافلے کے ساتھ آنے والی فائر بریگیڈ کی گاڑیاں آنسو گیس کی شیلنگ کو غیر موثر کرتی رہیں۔اس دوران قافلے میں شامل فائر بریگیڈ کی گاڑیوں سے پانی کے پھوار اس طرف چھوڑی گئی جہاں آنسو گیس کے شیل گرے تھے تاکہ شیلنگ کے اثرات کو ختم کیا جا سکے۔شیلنگ کے دوران سامنے آنے والے مناظر میں دیکھا جا سکتا ہے کہ پی ٹی آئی قافلے میں شامل فائر بریگیڈ ٹرک پر ایک اہلکار کھڑا ہے جو نیچے موجود عملے کو پانی پھینکنے کے لیے کہہ رہا ہے اور فائربگیڈ سے پانی کی پھوار بلند ہوتی ہے
