اسلام آباد(نیوزڈیسک)پاکستان تحریک انصاف کے بانی عمران خان کی بہنوں علیمہ خان اور عظمی خان کو اسلام آباد کے ڈی چوک سے گرفتار کرلیا گیا۔پاکستان تحریک انصاف کی جانب سے ڈی چوک میں احتجاج کا اعلان کیا گیا ہے اور مختلف مقامات پر پولیس اور پی ٹی آئی کارکنوں میں آنکھ مچولی کا سلسلہ جاری ہے۔پولیس نے عمران خان کی بہن علیمہ خان اور عظمی خان کو ڈی چوک سیگرفتار کرلیا۔ پولیس علیمہ خان اور عظمی خان کو وین میں بٹھا کر لے گئی۔اس دوران صحافی نے سوال کیا کہ کیا کہیں گی آپ؟ علیمہ خان نے جواب دیاکہ گرفتار کرنا ہے تو گرفتار کرلیں۔ پولیس نے علیمہ خان اور عظمی خان کو تھانا ویمن منتقل کردیا۔
