کے پی حکومت نے آئی ایم ایف شرائط کے تحت قومی مالیاتی معاہدے پر دستخط کردیے

اسلام آباد(نیوزڈیسک)خیبرپختونخوا (کے پی)حکومت نے آئی ایم ایف کی شرائط کے تحت قومی مالیاتی معاہدے پر دستخط کردیے۔سرکاری حکام کے مطابق کے پی حکومت نے مرکز سے وزارتی کمیٹی تشکیل دینے کی درخواست کی ہے۔صوبائی مشیر خزانہ مزمل اسلم نے نجی ٹی وی سے گفتگو میں کہا کہ کے پی کابینہ نے ترامیم پر 5سے زیادہ سوالات اٹھائے، فنانس ڈویژن نے اٹھائے گئے سوالات پر وضاحت دی ہے۔مزمل اسلم کا کہنا تھا کہ وفاقی وزیر خزانہ نے وزارتی کمیٹی کے قیام پر رضامندی ظاہر کی ہے، ہم ملک کے مفاد میں قومی مالیاتی معاہدے کیساتھ پرعزم ہیں۔