![تشدد کا شکار اینکر پرسن عائشہ جہانزیب کا شوہر کیساتھ راضی نامہ ہوگیا](https://dailyakhbarehaq.com/wp-content/uploads/2024/07/عائشہ-جہانزیب1.jpg)
لاہور :نجی ٹی وی کی اینکر عائشہ جہانزیب نے شوہر سے خلع کیلئے عدالت جانے کا اعلان کردیا۔ لاہور میں عائشہ جہانزیب نے آج عدالت میں وکیل کے ہمراہ پیش ہو کر تشدد کیس میں بیان ریکارڈ کروایا تھا اور کہا تھاکہ جو بھی ہوا بہت ظلم ہے، کسی عورت کے ساتھ نہیں ہونا چاہیے۔ان کا کہنا تھاکہ معززین نے جو بھی فیصلہ کیا میں اس کو مانتی ہوں ، میں کیس کی پیروی نہیں کرنا چاہتی ہوں۔
تاہم اب عائشہ جہانزیب نے شوہر سے صلح کی خبروں کی تردید کی اور کہا کہ میں نے اپنے شوہرسے کوئی صلح نہیں کی۔
انہوں نے کہا کہ میں اپنے بچوں کو عدالتوں کے چکر نہیں لگوانا چاہتی، میں پیر کو عدالت میں خلع فائل کروں گی۔ان کا کہنا تھاکہ بچوں کی کسٹڈی بھی میرے پاس رہے گی۔
۔
واضح رہے کہ کینٹ کچہری عدالت نے ملزم حارث علی کو جوڈیشل ریمانڈ پر جیل بھیج رکھا ہے جبکہ 10 جولائی کو عائشہ جہانزیب نے اپنے شوہر کے خلاف تھانہ سرور روڈ میں مقدمہ درج کروایا تھا۔
مقدمے میں کہا گیا تھا کہ شوہر نے تین سے چار مرتبہ تشدد کا نشانہ بنا کر زخمی کیا اور کنپٹی پر پستول رکھ کر دھمکیاں دیں اور وقوعہ کے روز میرے ساتھ ساتھ بچوں کو بھی تشدد کا نشانہ بنایا۔