فیڈرل بورڈ آف ریونیو (ایف بی آر) کے ساتھ تاجر دوست اسکیم کے تحت یکم اپریل سے 25 مئی تک 6 شہروں سے مجموعی طور پر 18 ہزار 371 ریٹیلرز رجسٹرڈ ہوئے ہیں۔
ایف بی آر کی طرف سے اس ضمن میں جاری اعداد و شمار کے مطابق اس دوران تاجر دوست اسکیم کے تحت 14 ہزار 472 ریٹیلرز اور اسکیم کے علاوہ 3 ہزار 899 ریٹیلرز رجسٹرڈ ہوئے ہیں۔
اعداد و شمار کے مطابق کراچی سے 5 ہزار 303، لاہور سے 5 ہزار 112 اور اسلام آباد سے ایک ہزار 567 ریٹیلرز نے اس اسکیم کے تحت رجسٹریشن کروائی ہے۔
اسی طرح راولپنڈی سے 2 ہزار 138، پشاور سے ایک ہزار 534، کوئٹہ سے 980 اور دیگر شہروں سے ایک ہزار 737 تاجر رجسٹرڈ ہوئے ہیں۔
