حکومت خیبر پختونخوا نے تعلیمی اداروں میں موسم گرما کی تعطیلات کا اعلان کردیا جس کے مطابق یکم جون سے 31 اگست تک تمام پرائمری اسکولز بند رہیں گے۔
خیبرپختونخوا حکومت نے موسم گرما کی چھٹیوں کا نوٹیفکیشن جاری کردیا۔نوٹی فکیشن کے مطابق پرائمری اسکولوں میں موسم گرما کی تعطیلات یکم جون سے شروع ہوں گی جو 31 اگست تک جاری رہیں گی۔
محکمہ تعلیم کے اعلامیے کے مطابق صوبے کے مڈل، ہائی اور ہائر سیکنڈری اسکولز 15 جون سے 31 اگست تک بند رہیں گے، بالائی اضلاع میں بھی اسکولز یکم جولائی سے 31 جولائی تک بند رہیں گے۔
