![آئی سی سی ٹی ٹوئنٹی ورلڈکپ کیلئے قومی کرکٹ ٹیم کا اعلان کل متوقع](https://dailyakhbarehaq.com/wp-content/uploads/2024/05/قومی-کرکٹ-ٹیم1.jpg)
آئی سی سی ٹی ٹوئنٹی ورلڈکپ کے لیے قومی کرکٹ ٹیم کا اعلان کل متوقع ہے۔ذرائع کے مطابق کپتان بابر اعظم 15رکنی ٹیم کی قیادت کریں گے، فاسٹ بولر حارث رؤف مکمل فٹ ہیں اور وہ ورلڈکپ اسکواڈ کا حصہ ہوں گے۔ آئرلینڈ کے خلاف پہلے ٹی 20 کے بعد ٹیم سے ڈراپ شاداب خان بھی ٹیم میں ہوں گے۔
ذرائع کے مطابق ورلڈ کپ کے لیے پاکستانی اسکواڈ 15 کھلاڑیوں اور 2 ٹریول ریزرو کے ساتھ امریکا جائیگا۔ قومی ٹیم میں 5فاسٹ بولر ، 3 وکٹ کیپرز اور 4 آل رانڈر ہوں گے۔ سلمان علی خان اور عرفان نیازی ٹریول ریزرو ہوں گے۔
ذرائع کا کہنا ہے کہ کھلاڑیوں میں فخر زمان ، ابرار احمد، عماد وسیم، صائم ایوب، افتخار احمد، شاہین شاہ آفریدی، عباس آفریدی، محمد عامر، نسیم شاہ، محمد رضوان ، عثمان خان اور اعظم خان شامل ہوں گے۔