پنجاب کے ضلع خوشاب میں ٹرک بے قابو ہو کر کھائی میں جا گرا جس کے نتیجے میں 14افراد جاں بحق جبکہ 9افراد زخمی ہوگئے۔
ریسکیو ذرائع کے مطابق حادثہ خوشاب میں پنج پیر مناواں روڈ پر بریک فیل ہونے سے باعث پیش آیا جس کے نتیجے میں ٹرک بے قابو ہو کر کھائی میں جا گرا۔ریسکیو ذرائع کا بتانا ہے کہ حادثے میں خواتین سمیت 14 افراد جاں بحق ہوئے جبکہ 9 افراد زخمی بھی ہوئے۔
ریسکیو ذرائع کے مطابق جاں بحق افرادکا تعلق ایک ہی خاندان سے ہے، متاثرہ خاندان بنوں سے مزدوری کے لییٹرک میں خوشاب آرہا تھا۔
ریسکیو حکام کے مطابق حادثے میں زخمی 9 افراد کو فوری طور پر ٹی ایچ کیو اسپتال منتقل کر دیا گیا ہے جہاں ان کا علاج جاری ہے۔
