![آئی سی سی نے پلیئر آف دی منتھ کا اعلان کردیا](https://dailyakhbarehaq.com/wp-content/uploads/2024/05/ICC-640x470.jpg)
دبئی: انٹرنیشنل کرکٹ کونسل نے مینز اینڈ ویمنز پلیئر آف دی منتھ ایوارڈز جیتنے والوں کا اعلان کر دیا۔ مردوں کی کیٹیگری میں یو اے ای کے بلے باز محمد وسیم کو پلیئر آف دی منتھ قرار دیا گیا، وہ یہ ایوارڈ جیتنے والے یو اے ای کے پہلے کھلاڑی ہیں۔ محمد وسیم نے اپریل میں اے سی سی پریمیئر کپ کے دوران مجموعی طور پر 269 رنز بنائے جس میں عمان کے خلاف فائنل میچ میں 56 گیندوں پر شاندار سنچری بھی شامل تھی۔ خواتین کی کیٹیگری میں ویسٹ انڈیز کی کپتان ہیلی میتھیوز کو ماہ کی بہترین کھلاڑی قرار دیا گیا۔ ان کی قیادت میں ویسٹ انڈیز کی ٹیم اپنے دورہ پاکستان کے دوران میزبان ٹیم کے خلاف ٹی ٹوئنٹی اور ون ڈے سیریز جیتنے میں کامیاب رہی۔ ہیلی میتھیوز نے پہلے اور تیسرے ون ڈے میں سنچریاں بنائیں جبکہ ایک میچ میں۔ 44 رنز بنا کر انہوں نے پانچ میچوں کی ٹی ٹوئنٹی سیریز میں مجموعی طور پر 205 رنز بنائے۔