وزیراعظم شہباز شریف نے ڈی آئی خان میں شہید ہونے والے کسٹم افسر کے ورثا کے لیے 4کروڑ اور سپاہی کے ورثا کے لیے ڈھائی کروڑ روپے کے پیکج کا اعلان کیا۔
وزیراعظم شہباز شریف ایبٹ آباد کے علاقے جناح آباد میں شہید کسٹم انسپکٹر حسنین شاہ کے گھر پہنچے، وفاقی وزیر انجینیئر امیر مقام بھی وزیراعظم کے ہمراہ تھے۔وزیراعظم نے شہید کے اہلخانہ سے تعزیت اور فاتحہ خوانی کی۔ وزیراعظم کا کہنا تھا کہ شہیدوں کی قربانیاں رائیگاں نہیں جائیں گی، ہمیں شہید انسپکٹر حسنین پر فخر ہے، عظیم سپوت جان ہتھیلی پر رکھ کر دہشت گردوں کا مقابلہ کرتے ہیں۔
وزیراعظم نے کہا کہ ڈی آئی خان کے دو واقعات میں8 شہادتیں ہوئیں، وفاقی وزیر داخلہ محسن نقوی اسمگلنگ کے خاتمے کے لیے پوری طرح یکسو ہیں، اسمگلنگ کے خلاف معاونت پر آرمی چیف کے شکر گزار ہیں۔
اس موقع پر وزیراعظم شہبازشریف نے وفاق کی طرف سے شہدا پیکج کااعلان کرتے ہوئے کہا کہ شہید سپاہی کے ورثاکے لیے ایک کروڑ روپے کیش اور گھر کی مد میں ایک کروڑ 35 لاکھ روپے ادا کیے جائیں گے جب کہ شہید ہونے والے افسر کے ورثا کے لیے ڈیڑھ کروڑ روپے کیش اور ہاس الاوئنس کی مد میں ڈھائی کروڑ روپے ادا کیے جائیں گے۔انہوں نے کہا کہ شہدا کے بچوں کو فری تعلیم اور علاج بھی مہیا کیاجائیگا۔
وزیراعظم شہباز شریف نے کہا کہ لائن آف ڈیوٹی پر شہید ہونے والے تمام شہدا کے ورثا کے لیے وفاق کی طرف سے یہی پیکج دیاجائیگا۔
