نیوزی لینڈ نے پاکستان کے خلاف تیسرے ٹی20 میچ میں ٹاس جیت کر پہلے باولنگ کا فیصلہ کیا ہے۔
راولپنڈی میں کھیلے جا رہے سیریز کے تیسرے ٹی20 میچ میں نیوزی لینڈ کی ٹیم نے ٹاس جیت کر پاکستان کو پہلے بیٹنگ کی دعوت دی۔پاکستان نے میچ کے لیے ٹیم میں ایک تبدیلی کی ہے اور محمد عامر کی جگہ عباس آفریدی کو ٹیم کا حصہ بنایا گیا ہے۔
یاد رہے کہ پاکستان اور نیوزی لینڈ کے درمیان سیریز کا پہلا میچ بارش کی نذر ہو گیا تھا جبکہ سیریز کے دوسرے میچ میں پاکستان نے یکطرفہ مقابلے کے بعد مہمان ٹیم کو شکست سے کر 0-1 کی برتری حاصل کر لی تھی۔میچ کے لیے پاکستان کی ٹیم ان کھلاڑیوں پر مشتمل ہے۔بابر اعظم(کپتان)، محمد رضوان، صائب ایوب، افتخار احمد، عرفان خان، عثمان خان، شاداب خان، شاہین شاہ آفریدی، نسیم شاہ، عباس آفریدی، ابرار احمد۔
