آسٹریلیا: سڈنی کے چرچ میں چاقو سے حملہ، اسرائیل مخالف پادری سمیت 4 افراد زخمی کچھ رپورٹس کے مطابق مریم ایمانوئل نے غزہ میں صیہونی مظالم کے خلاف آواز اٹھائی۔ سڈنی میں چاقو کے ایک اور حملے میں اسرائیل مخالف پادری سمیت چار افراد زخمی ہو گئے جبکہ چرچ کے اطراف پولیس کی بھاری نفری تعینات کر دی گئی ہے۔ غیر ملکی خبر رساں اداروں کی رپورٹس کے مطابق بشپ میری ایمینوئل مسیح گڈ شیفرڈ چرچ میں تبلیغ کر رہی تھیں کہ نامعلوم حملہ آور نے ان پر چاقو کے وار کر دیے۔ بعض رپورٹس میں کہا گیا ہے کہ مریم ایمانوئل نے غزہ میں صیہونی مظالم کے خلاف آواز اٹھائی۔ پولیس کے ایک بیان میں کہا گیا ہے کہ افسران نے ایک شخص کو گرفتار کیا ہے اور وہ تفتیش میں تعاون کر رہا ہے۔ پولیس کا کہنا ہے کہ زخمیوں کی نوعیت زیادہ سنگین نہیں ہے اور انہیں طبی امداد فراہم کی جارہی ہے۔ ایمبولینس سروس نے خبر رساں ادارے اے ایف پی کو بتایا کہ 20 سے 70 سال کی عمر کے چار زخمیوں کا علاج کیا جا رہا ہے۔ ہفتہ کو بھی سڈنی کے ایک شاپنگ سینٹر میں چاقو سے حملے میں 6 افراد ہلاک اور متعدد زخمی ہوگئے تھے جس کے بعد پولیس کی فائرنگ سے ملزم مارا گیا تھا۔ قطری نشریاتی ادارے الجزیرہ کی ایک رپورٹ میں نیو ساؤتھ ویلز پولیس کے اسسٹنٹ کمشنر انتھونی کک نے کہا کہ ملزم کو شاپنگ سینٹر میں خاتون پولیس افسر نے جوابی فائرنگ کرتے ہوئے موقع پر ہی ہلاک کر دیا۔ مال کے اندر سے سوشل میڈیا پر پوسٹ کی گئی ویڈیوز اور تصاویر میں حملہ آور کو شارٹس اور اسپورٹس جرسی پہنے اور چاقو پکڑے ہوئے دکھایا گیا ہے۔ واقعے کے وقت شاپنگ سینٹر میں خریداروں کا رش تھا، مقامی میڈیا کے مطابق سیکڑوں افراد کو حفاظتی وجوہات کی بنا پر شاپنگ سینٹر سے نکال لیا گیا، جب کہ شاپنگ مال کے اندر اور اطراف میں بھگدڑ دیکھی گئی۔
