چکوال (ڈسٹرکٹ رپورٹر)وزیر اعلیٰ پنجاب محترمہ مریم نواز شریف ,انسپکٹر جنرل آف پولیس ڈاکٹر عثمان انور اور آر پی او راولپنڈی کے احکامات کی روشنی میں ڈسٹرکٹ پولیس آفیسر چکوال کیپٹن (ر) واحد محمود نے رمضان ماڈل بازار اور چھپڑ بازار چکوال کا اچانک دورہ کیا۔ڈی پی او چکوال نے شہر میں قائم کردہ رمضان ماڈل بازار کا دورہ کیا پرائس کنٹرول سمیت سکیورٹی انتظامات کا جائزہ لیا،ڈی پی او چکوال نے تمام دوکانداروں، ریڑھی بانوں اور سبزی فروٹ فروشوں کو سرکاری ریٹس پر اشیاء فروخت نہ کرنے پر انکے خلاف سخت قانونی کارروائی عمل میں لائی جائی گی اور انہیں وارننگ جاری کی۔ڈی پی او چکوال نے چھپڑ بازار چکوال کا دورہ کیا پرائس سمیت ٹریفک کی روانی اور سکیورٹی انتظامات کا جائزہ لیا،ڈی پی او چکوال نے پیدل چلنے والی عوام الناس کی سہولیات اور ٹریفک کی بہتر روانی کے لیے مناسب احکامات جاری کیے،آئی جی پنجاب اور آر پی او راولپنڈی ڈویڑن کی ہدایت پر رمضان المبارک ماہ میں عوام الناس کو بہتر سے بہتر سہولیات دینے کے لیے کوشاں ہیں، دوکانداروں کی جانب سے عوام الناس کو سرکاری ریٹس پر اشیاء فروخت کرنی چائیے۔
