واشنگٹن۔ امریکہ نے افغان حکومت سے مطالبہ کیا ہے کہ وہ اس بات کو یقینی بنائے کہ پاکستان کے خلاف دہشت گرد حملے افغان سرزمین سے کیے جائیں۔
امریکی محکمہ خارجہ کے ترجمان ویدانت پٹیل نے گزشتہ روز معمول کی نیوز بریفنگ کے دوران کہا کہ امریکہ کو خیبرپختونخوا میں حملے کے دوران ہونے والے جانی نقصان اور ناانصافیوں پر افسوس ہے۔ ہفتے کو شمالی وزیرستان کے علاقے میر علی میں سیکیورٹی چوکی پر دہشت گردوں کے حملے میں سات پاکستانی فوجی شہید ہوگئے۔
ہم طالبان پر زور دیتے ہیں کہ وہ اس بات کو یقینی بنائیں کہ افغان سرزمین سے دہشت گرد حملے نہ کیے جائیں اور ہم پاکستان پر زور دیتے ہیں کہ وہ تحمل کا مظاہرہ کرے اور اس بات کو یقینی بنائے کہ انسداد دہشت گردی کی کوششوں میں شہریوں کو نقصان نہ پہنچے۔
ہم دونوں فریقوں سے کسی بھی اختلافات کو دور کرنے کی اپیل کرتے ہیں۔ ہم اس بات کو یقینی بنانے کے لیے پرعزم ہیں کہ افغانستان پھر کبھی دہشت گردوں کے لیے محفوظ پناہ گاہ نہ بنے جو امریکہ اور ہمارے شراکت داروں اور اتحادیوں کو نقصان پہنچانا چاہتے ہیں۔
