![گھٹیا سیاسی مقاصد کیلئے شہدا کی بیحرمتی کرنے والے حقیقی مجرم ہیں، پی ٹی آئی](https://dailyakhbarehaq.com/wp-content/uploads/2024/03/pti2.jpg)
اسلام آباد: ترجمان تحریک انصاف نے کہا ہے کہ شہدا ہمارے ہیروز اور کسی سیاسی و گروہی تقسیم کے بغیر قوم کا مشترکہ اثاثہ ہیں۔ترجمان نے ایک بیان میں کہا کہ دفاعِ وطن کے فریضے کی انجام دہی کے دوران جامِ شہادت نوش کرنے والے شہدا کو اپنے گھٹیا سیاسی مقاصد کے حصول کا ذریعہ بنا کر ان کی بیحرمتی کرنے والے حقیقی مجرم ہیں۔
ترجمان پی ٹی آئی نے کہا کہ افواج اور اس کے شہدا پر حملے نوازشریف، اس کی بیٹی اور اس کے درباریوں کی روایت رہی ہے، خواجہ آصف اور عطا تارڑ ان مجرموں میں سے ہیں جنہیں عوام نے مسترد کیا تاہم مینڈیٹ پر کھلا ڈاکہ ڈال کر انہیں ایوان میں پہنچایا گیا۔
ترجمان کا کہنا تھا کہ وفاقی کابینہ کے اندر سے شہدا کی حرمت و حیثیت پر حملے خود ریاست کیلئے بڑا امتحان ہیں۔ غاصبِ اعظم اپنے وزیروں کو نکیل ڈالے اور شہدا کو اپنی سیاست کا ایندھن بناکر ان کے اہلِ خانہ اور قوم کے جذبات مجروح کرنے والوں سے باز پرس کرے۔