ایٹمی جنگ کے لیے تیار، پوٹن نے مغربی ممالک کو دھمکی دیدی

ماسکو: روس نے مغربی ممالک کو خبردار کیا ہے کہ روس تکنیکی طور پر جوہری جنگ کے لیے تیار ہے اور اگر امریکا نے یوکرین میں فوج بھیجی تو موجودہ صورتحال کی شدت میں نمایاں اضافہ ہوگا۔
غیر ملکی خبر رساں ادارے ‘اے ایف پی’ کے مطابق روس میں صدارتی انتخابات 15 مارچ سے شروع ہوں گے اور امکان ظاہر کیا جا رہا ہے کہ روسی صدر ولادی میر پیوٹن آئندہ 6 سال کے لیے صدر منتخب ہوں گے۔ولادیمیر پوٹن نے کہا کہ جوہری جنگ کے منظر نامے میں "جلد بازی” کی ضرورت نہیں ہے اور وہ یوکرین میں جوہری ہتھیاروں کے استعمال کی ضرورت نہیں دیکھتے ہیں۔
انہوں نے ایک مقامی ٹیلی ویژن اور نیوز ایجنسی کے سوال کا جواب دیتے ہوئے مزید کہا کہ فوجی اور تکنیکی نقطہ نظر سے ہم یقینی طور پر جوہری جنگ کے لیے تیار ہیں۔روسی صدر نے کہا کہ امریکہ سمجھتا ہے کہ اگر وہ روسی سرزمین یا یوکرین پر امریکی فوجیوں کو تعینات کرتا ہے تو روس اس اقدام کو محض مداخلت کے طور پر دیکھے گا۔
ولادیمیر پوٹن نے کہا کہ روس امریکہ تعلقات پر بات کرنے کے لیے (امریکہ میں) کافی ماہرین موجود ہیں، اس لیے مجھے نہیں لگتا کہ ہم جوہری تنازع کی طرف بڑھ رہے ہیں، لیکن ہم اس کے لیے تیار ہیں۔