رمضان المبارک میں بینکوں کے دفتری اور کاروباری اوقات کا اعلان

اسٹیٹ بینک نے رمضان المبارک کے دوران دفتری اور کاروباری اوقات کا اعلان کر دیا ہے۔
بینک دولت پاکستان میں درج ذیل دفتری اوقات کی پیروی کی جائے گی جس کی پیروی تمام بینک، ترقیاتی مالیاتی ادارے اور مائیکرو فنانس بینک بھی کریں گے۔
پیر تا جمعرات صبح 9 بجے سے 3:30 بجے تک اور دوپہر 2 سے 2:30 بجے تک نماز کا وقفہ ہوگا۔ جمعہ کو صبح 8:30 بجے سے دوپہر 1:00 بجے تک کام بلا تعطل جاری رہے گا۔
عوامی لین دین کے لیے، پیر سے جمعرات صبح 9:00 بجے سے دوپہر 2:00 بجے تک اور جمعہ صبح 8:30 بجے سے دوپہر 1:00 بجے تک۔
رمضان کے بعد وہی اوقات کار لاگو ہوں گے جو رمضان سے پہلے نافذ تھے۔