وفاقی حکومت نے غریب و متوسط طبقے کے لیے رمضان ریلیف پیکیج کا اعلان کردیا۔وفاقی حکومت نے رمضان ریلیف پیکیج 7 ارب 50 کروڑ روپے کی سبسڈی پر مبنی ہے، رمضان ریلیف پیکیج کے تحت 3 کروڑ 96 لاکھ سے زائد خاندان مستفید ہوں گے۔رمضان ریلیف پیکیج یوٹیلیٹی اسٹورز کے ذریعے مستحق خاندانوں میں تقسیم کیا جارہا ہے۔
اس حوالے سے وزیراعظم شہباز شریف نے کہا کہ رمضان ریلیف پیکیج میں معیار پر کسی قسم کا سمجھوتہ قابل قبول نہیں ہے، اشیائے خورد و نوش کے معیار کی کڑی نگرانی کی جائے۔انہوں نے حکام کو ہدایت کرتے ہوئے کہا کہ یقینی بنایا جائے کہ مستحق افراد کو کسی قسم کی پریشانی کا سامنا نہ ہو۔
